Во Градската библиотека „Браќа Миладиновци“ во Скопје на ден 17 февруари 2012 година (петок) во 12 часот ќе се одржи манифестацијата „Читатели рекордери за 2011 год.“ и „Млади библиотекари“. Градската библиотека ги поканува сите членови да ја посетуваат библиотеката и да позајмуваат книги. Со тоа стекнуваат можност да бидат читаетли рекордери за 2012 година.

Секој член во Градската библиотека „Браќа Миладиновци“ има можност да биде читател рекордер. Библиотеката, за најредовните читатели и за оние кои прочитале најмногу книги во текот на годината, доделува награди: бесплатно годишно членство, колекција книги и благодарница.

Натпреварот за Млади библиотекари се спроведува секоја година во месец октомври. Учествуваат ученици од сите основни училишта во Скопје и оние кои ќе освојат најмногу поени, се стекнуваат со право на учество на републичкиот натпревар.

      Од 01.02.2011 во Градската библиотека „Браќа Миладиновци“, Скопје, Библиотека „Другарче“, ќе почне да работи Детскиот културен центар „Ѕвезда“, за деца од 6 до 14 години.

Децата ќе имаат можност за актерско, сликарско и музичко дообразование во студијата на центарот, а во исто време ќе бидат дел од годишните изложби, промоции, престави, гостувања, предавања, работилници и слуично. Уписите ќе траат до 15.02.2012 година, секој ден од 15 до 20 часот во просториите на Библиотеката „Другарче“ или на телефоните 071/486-635, 075/690-991 и 071/297-172.

 Првите пет пријавени добиваат гратис годишна членарина во Библиотеката.

За членовите на Библиотеката важи попуст од 20% за членување.

КОРИСТЕЊЕ НА НОЌНАТА ЧИТАЛНА

УСЛУГАТА Е НАМЕНЕТА САМО ЗА ЧЛЕНОВИ НА БИБЛИОТЕКАТА. ЗА КОРИСТЕЊЕ НА ЧИТАЛНАТА ОД 20.00 до 06.00 ч.

ПОТРЕБНО Е ПРЕТХОДНО ДА СЕ ПРИЈАВИТЕ ВО СПРОТИВНО НЕМА ДА МОЖЕТЕ ДА ЈА КОРИСТИТЕ НОЌНАТА ЧИТАЛНА. ПРИЈАВУВАЊЕТО Е ОД ПОНЕДЕЛНИК до ПЕТОК од 9.00 до 15.30 ч.

-         ЛИЧНО  ВО ПРИЈАВНИЦА

-         ПО ТЕЛЕФОН НА БРОЈ 3162544

ПРИЈАВИТЕ СЕ ПРИМААТ САМО ЗА ИСТИОТ ДЕН. РЕЗЕРВАЦИИ ЗА НАРЕДНИТЕ ДЕНОВИ НЕ СЕ ПРИМААТ.

ПРИ ВЛЕГУВАЊЕ ВО БИБЛИОТЕКАТА КОРИСНИКОТ Е ДОЛЖЕН ДА ЈА НОСИ ЧЛЕНСКАТА КАРТА И ЛИЧНА КАРТА.

ДОКУМЕНТИТЕ ГИ ОСТАВА ВО ПРИЈАВНИЦА. ЛИЧНАТА КАРТА СЕ ЗАДРЖУВА ЗА ВРЕМЕ НА КОРИСТЕЊЕ НА НОЌНАТА ЧИТАЛНА.

ОД УПРАВАТА

Во библиотеката „Другарче“ при Градска библиотека „Браќа Миладиновци“ во Скопје

се одржува

Свечена новогодишна приредба

Почитувани родители и драги најмили другарчиња, на 29.12.2011 година во 12 часот, во Игралната на библиотеката „Другарче“, во населбата Карпош 3, по триесет и први пат ќе се одржи свечена новогодишна приредба. На неа ќе земат учество децата од игралната, а гости ќе бидат нивните родители и роднини. Неизбежен и секако најважен гостин ќе биде Дедо Мраз, кој ќе се дружи со најмладите кои ќе играат и пеат со него.

По тој повод Дедо Мраз ќе им подари пакетчиња, а за спомен секое детенце ќе се слика со Дедо Мраз пред новогодишната елка.

На крајот од приредбата сите ќе си посакаме среќна и весела Нова година, а Дедо Мраз ќе го испратиме со песна.

ПОСЕТЕТЕ ЈА НАШАТА ИГРАЛНА И ВИЕ СТАНЕТЕ НАШИ ДРУГАРЧИЊА.